Хэнтий аймгийн болон ОББЦГ-т аялал жуулчлалын хөтөлбөр боловсруулахтай холбогдон Монгол улсад аялал жуулчлалын чиглэлээр идэвхитэй үйл ажиллагаа явуулдаг 26 тур оператор компаниас судалгаа авч, тэдний санал, зөвлөмжийг хөтөлбөрт тусгах зорилгоор энэхүү судалгааг хийлээ. Судалгааны тайлантай ЭНДЭЭС танилцана уу.

Хэний аймгийн Дадал суманд ойн санг гэрээгээр эзэмшиж байгаа нөхөрлөлүүдийн гишүүдийн дунд  гамшгаас хамгаалах тухай хууль тогтоомжийг суртчилах, ой хээрийн түймрээс урьдчилан сэргийлэх, тэмцэх сэдвээр “Дэвжээ” тэмцээн  2012 оны 5-р сарын 3-ний өдөр боллоо. Тэмцээнийг Хэнтий аймгийн Онцгой байдлын газар, БОАЖГ, тус сумын ЗДТГ-тай хамтран зохион байгуулав. Энэхүү тэмцээний зорилго нь ойн санг гэрээгээр эзэмшиж байгаа нөхөрлөлийн гишүүдийн дунд болзошгүй гал түймрийн аюулаас амь нас, гэр орон сууц, мал сүрэг, эзэмшлийн ойн сангаа хамгаалах мэдлэг олгох, түймрийн хохирлын талаар иргэдэд сурталчилахад чиглэж байлаа. Дэвжээ тэмцээнд 9 нөхөрлөлийн 50 гишүүн өрсөлдөн 1-р байранд “Цагаан булаг”,  2-р байранд “Амирлангуй”,  3-р байранд “Асгат” нөхөрлөлийн багууд орж өргөмжлөл, дурсгалын зүйлээр шагнууллаа.

Мэдээлэл бэлтгэсэн:

ДБХС(WWF)-гийн МХГ-ын ЗБС-ын

ажилтан Г. Болортуяа

2012.05.09

2012 оны 5-р сарын 1-ний өдөр Хэний аймгийн Биндэр суманд Ой хээрийн түймрээс урьдчилан сэргийлэх сургалт, сурталчилгааны ажил явагдлаа. Сургалтыг Хэнтий аймгийн Онцгой байдлын газар, БОАЖГ, тус сумын ойн ангитай хамтран зохион байгууллаа. Энэхүү сургалтын зорилго нь ойн санг гэрээгээр эзэмшиж байгаа нөхөрлөлийн гишүүдийн дунд болзошгүй гал түймрийн аюулаас амь нас, гэр орон сууц, мал сүрэг, эзэмшлийн ойн сангаа хамгаалах мэдлэг олгох, гал түймэр унтраах анхан шатны багаж хэрэгслийг бэлтгүүлж бэлэн байдлыг хангах, түймрийн тоо, хохирлыг бууруулахад чиглэж байлаа. Сургалтад 17 нөхөрлөлийн 30 гишүүн оролцов. Мөн сургалтын явцад ойн санг гэрээгээр эзэмшиж байгаа нөхөрлөлүүдийн ойн менежментийн төлөвлөгөөнд тусгасны дагуу гал унтраах багаж хэрэгсэл бэлтгүүлж, урьдчилан сэргийлэх тэмцэх талаар заавар зөвлөгөө өглөө.

Мэдээлэл бэлтгэсэн:

Биндэр сумын төслийн зохицуулагч Д.Шүрэнцэцэг

2012.5.4

2012.05.03

Үндэслэл

Байгалийн нөөцийн тогтвортой менежментийг дэмжих замаар Монгол улсад ядуурлыг бууруулахад хувь нэмэр оруулах зорилгоор Япон улсын Засгийн газраас (Ядуурлыг бууруулах Японы сан – ЯБЯС)
Азийн хөгжлийн банкаар дамжуулан (2 сая ам. доллар) Онон голын сав газарт “Нутгийн Иргэдэд түшиглэсэн байгалийн нөөцийн менежментээр ядуурлыг бууруулах”- JFPR9125 төслийг хэрэгжүүлж байна. Төсөл 4 жилийн хугацаатай бөгөөд Монгол улсын Байгаль орчин, аялал жуулчлалын яам удирдаж, Дэлхийн байгаль хамгаалах сан (WWF)-гийн Монгол дахь хөтөлбөрийн газар төслийн хэрэгжүүлэх зөвлөхөөр ажиллаж байна. Төсөл зорилгодоо хүрэхийн тулд байгалийн нөөцийн тогтвортой менежментийг дэмжсэн бодлого, эрхзүйн орчинг сайжруулах, түүний хэрэгжилтийг хангах, ядуурлыг бууруулах талаар нутгийн иргэдээс гаргасан санаачлагыг хөхүүлэн дэмжиж, цаашид бие даан хөгжих тааламжтай орчин бүрдүүлэх зэрэг ажлыг Онон голын сав газрын 7 сум, тэдгээрийн багуудын түвшинд гүйцэтгэж байна.

Энэхүү төслийн хэрэгжиж буй 4 жилийн хугацаа дуусч байгаатай холбогдуулан төслийн үйл ажиллагааны хүрээнд хийгдсэн ажил, гарсан ололт амжилт, сургамж  бэрхшээлийг харуулсан баримтат кино хийх, цацах ажилд хамтран ажиллахыг урьж байна. Баритат кинонд дараах зорилтын хүрээнд гарсан ололт амжилтын талаар тусгасан байх:

1   Байгалийн нөөцийн менежмент ба ядуурлыг бууруулах үйл ажиллагааг хослуулан хэрэгжүүлэх, орон нутгийн байгууллагыг бий болгон хөгжүүлэх хүрээнд хийгдсэн ажлын ололт амжилт;

2   Онон голын сав газарт байгалийн нөөцийн цогц менежмент ба байгаль хамгаалаллыг хөгжүүлж, бэхжүүлэх ажлын хүрээнд гарсан ололт амжилт;

3 Амжиргааны бусад эх үүсвэрийг нэмэгдүүлэхэд чиглэгдсэн орон нутгийн үйлдвэрлэлийг хөгжүүлэх чиглэлээр хийгдсэн ажлын хүрээнд гарсан ололт амжилт.

Тавигдах шаардлага:

1. Баримтат кино  25-30 минутын хугацаатай байх бөгөөд 2012 оны 06 сарын 01-ээс эхлэж 2012 оны 08 сарын 30 гэхэд дуусган захиалгч талд хүлээлгэн өгсөн байх.

2.  2012 оны 06 сардаа багтаж Онон голын сав газрын 7 сумдаар зураг авалт хийх.

3. Бичлэгийн өргөтгөл full HD формат ашигласан байх. Бүх бичлэг Дэлхийн байгаль хамгаалах сан (WWF)-гийн Монгол дахь хөтөлбөрийн газрын өмч болно.

4. Баримтат киног үндэсний хэмжээний дор хаяж 4 телевизийн оргил цагаар хөнгөлттэй үнээр цацсан байна.

Иймд дээрх баримтат киног хийж, хамтран ажиллах сонирхолтой баг болон байгууллага өөрсдийн товч танилцуулга, тухайн ажлыг гүйцэтгэх төлөвлөгөө болон шаардагдах санхүүжилтийн хамт оролцох
хүсэлтээ 5 сарын 10-ны дотор info@wwf.mn хаягаар ирүүлнэ үү.

Нэмэлт мэдээллийг 311659 утсаар Н.Энхбаяртай холбогдон авна уу.
Дэлхийн байгаль хамгаалах сан (WWF)-гийн Монгол дахь хөтөлбөрийн газар

Дорнод аймгийн Баян-Уул  сумын төвөөс зүүн тийш 10 гаруй км-ын зайнд “Хархираа” гэдэг газар 2012.04.07-ний өдрийн 11-н цагийн үед өндөр хүчдлийн суларсан шугам хүчтэй салхинд савж оч хаян тасарч түймэр гаран ихээхэн хэмжээний ой, бэлчээрийг  шатаав.

Түймэр гарч байх үед маш хүчтэй салхин болон шороон шуургатай байсан ч Заяат, Хар чулуут багийн малчид, байгаль хамгаалах нөхөрлөлийн гишүүд, ЗДТГ, ЕБС-ийн багш ажилчид шуурхай сайн ажилласны үр дүнд нэгч айл өрх, эд хөрөнгө, мал шатаалгүйгээр цурманд орууллаа.

Одоогийн байдлаар ой, хээрийн түймрийг бүрэн унтраахаар Дорнод аймгийн Онцгой байдлын газрын албан хаагчид, сумын нөхөрлөлүүдтэй хамтран ажиллаж байна.

Мэдээлэл бэлтгэсэн:

Ж. Дорж